六位膠人正式回歸，勢必有咁膠玩咁膠！每集挑戰唔同主題，有時玩吓小遊戲，有時又考驗大智慧。仲會不定期咁請嚟嘉賓一齊派膠，務求令到香港人喺每個禮拜日都笑足一粒鐘！正所謂「有膠人，就算聽日係BlueMonday又有咩可怕喎？」

新年係求心想事成嘅日子，六位膠人(主要係生啤神)為咗答謝觀眾嘅支持，決定實現大家嘅「部份」願望，喺未有第二季之前，先合體推出新春特別版，除咗會繼續玩「膠」遊戲之外，仲會剪輯之前出唔到街嘅遊戲片段，等大家可以繼續「無無聊聊」咁笑返一個鐘!